BEIERSDORF, NIVEA

NIVEA нь 1911 онд үүсгэн байгуулагдсан Германы Beiersdorf компанийн эзэмшдэг дэлхийн арьс арчилгааны брэнд юм. Брэндийн нэр нь латин хэлний “niveus” буюу “цасан цагаан” гэх үгнээс гаралтай. Цэнхэр савтай тосоороо энэхүү брэнд дэлхийд танигдсан бөгөөд одоогоор 170 гаруй улсад борлуулагддаг байна. 

Үүсгэн байгуулагдсан түүх

NIVEA нь тогтоцтой ус-тосон хольц бий болгох “Eucerit” нэгдлийг нээснээр үүссэн. Энэхүү нэгдлийг доктор Isaac Lifschütz боловсруулсан бөгөөд анхны арьсанд зориулсан тогтоцтой тосыг бүтээх боломжийг бүрдүүлсэн байна. Ингээд энэхүү ололтыг бизнес эрхлэгч Oskar Troplowitz болон арьсны эмч Paul Gerson Unna нар зах зээлд амжилттай нэвтрүүлсэн түүхтэй юм.

Брэндийн амжилттай эхлэл

NIVEA тос нь олон төрлийн хэрэглээтэй арьс арчилгааны бүтээгдэхүүн хэмээн зах зээлд хурдан танигдсан. 1920-иод онд брэнд Европоос гарж олон улсад тэлж эхэлсэн бөгөөд 1925 онд танилцуулагдсан цэнхэр савлагаат бүтээгдэхүүн өнөөг хүртэл зах зээлд амжилттай хадгалагдсаар байна.

Сорилт ба бэрхшээлүүд

Дэлхийн II дайны үед Beiersdorf олон улсын зах зээлд цөөнгүй тооны брэндийн эрхээ алджээ. Дайны дараа компани дэлхийн хэмжээнд брэндээ дахин сэргээх шаардлагатай тулгарч, олон арван жилийн хичээл зүтгэлийн дараа зах зээл дэх NIVEA брэндийн эрхээ буцаан авч чадсан байна.

Амжилтад хөтөлсөн хүчин зүйлс

NIVEA нь боломжийн үнэ болон хүртээмжтэй байдлыг чухалчилж, өргөн хүрээний хэрэглэгчдэд хүрч чадсанаас гадна тэдний итгэлийг бүтээгдэхүүний чанарын тогтвортой байдлыг хадгалах мөн арьсны эрүүл мэндийн судалгаа, шинжилгээнд тулгуурлан хийдэг баталгаат байдлаар хадгалж чадсан байна. Харин брэндийн дүр төрх болон хүчтэй маркетинг нь урт хугацааны танигдалтыг хадгалж чаджээ. 

Өнөө үе ба хөгжил

NIVEA бие арчилгаа, нүүр арчилгаа, нарнаас хамгаалах зэрэг олон төрлийн бүтээгдэхүүнтэй болон төрөлжсөн. Beiersdorf компани судалгаа, шинжилгээ болон тогтвортой хөгжлийн шийдлүүдэд үргэлжлүүлэн хөрөнгө оруулж байна. Өнөөдөр NIVEA нь дэлхийн нөлөө бүхий том арьс арчилгааны брэндүүдийн нэг болж, тэрбум долларын орлоготой ажиллаж байна.

НАНО x NIVEA

Beiersdorf компанийн Nivea брэндийг НАНО ИНТЕРНЭЙШНЛ ХХК 2012 оноос албан ёсны эрхтэй дистрьбютор хийн ажиллаж байгаа бөгөөд дэлхийд тэргүүлэгч арьс арчилгаа, гоо сайхны брэндийн чанар, нэр хүндийг хадгалан ажиллаж байна.