MAGNUM ICE CREAM  /An Experience of Pure Pleasure/

Magnum зайрмаг нь өөртөө хайртай хэн бүхний амьдралаас таашаал авах, жижиг тансаг мөчийг мэдрэх хандлагын илэрхийлэл болдог.

Маркетинг стратеги

Magnum брэнд нь бүтээгдэхүүн бус мэдрэмж зардаг. Тэдний маркетинг нь тансаг, өөртөө итгэлтэй, өөртөө хайртай амьдралын хэв маягийг сурталчилж, хэрэглэгчдийг тухайн мэдрэмжийг хуваалцахыг уриалдаг. Тэдний зах зээлд таниулсан голлох ойлголтуудын нэг нь “guilt-free indulgence” буюу өөрийгөө буруутгахгүйгээр эрхлүүлэх юм.

Брэнд хэрхэн зах зээлд байршсан бэ?

Magnum 1989 онд анх танилцуулагдахдаа энгийн санааг баримталсан нь насанд хүрэгчдэд зориулсан, илүү баялаг, илүү тансаг зайрмаг бүтээх байсан бөгөөд энэ нь тухайн үед зах зээлд шинэ ойлголтыг авчирсан юм.

Өөртөө хайртай хэн бүхний сонголт

Magnum брэнд “premium ice cream” гэсэн шинэ ангиллыг бий болгосон. Хүмүүс зайрмагийг зөвхөн хөнгөн амттан биш, өөрийгөө эрхлүүлэх туршлага, өөрийгөө шагнах бяцхан тансаглал гэж харж эхэлсэн байна.

Хараад л таних брэндийн өнгө төрх

Хар, алтлаг өнгө, минимал дизайн бол Magnum брэндийн тансаг мэдрэмж төрүүлэх визуал хэв маяг бөгөөд дэлхий даяар танигдах брэнд өнгө төрх юм.

Амт чанар 

Жилээс жилд Magnum брэндийн тууштай байж чадсан зүйл бол чанар юм. Бельги шоколад, өндөр стандарт,  үйлдвэрлэлийн нарийн арга техник нь хэрэглэгчдийн итгэлийг аажмаар мөн чанартайгаар бий болгосон.

NANO X MAGNUM

НАНО ИНТЕРНЭЙШНЛ ХХК нь 2017 оноос хойш MAGNUM брэндийн зайрмагийг Монгол Улсад албан ёсны эрхтэйгээр нийлүүлж байна. Дэлхийд танигдсан энэхүү брэнд нь өндөр чанартай Бельги шоколад, нарийн боловсруулалтын технологи, баялаг амтаараа онцлог бөгөөд хэрэглэгчдэд энгийн нэг амттанаас илүү, өөрийгөө хайрлах мэдрэмжийг хүргэдэг.
Нано Интернэйшнл ХХК нь MAGNUM брэндийн үнэ цэнэ, чанарын стандартыг Монголын зах зээлд тогтвортой хадгалж, хэрэглэгчдэд олон улсын түвшний бүтээгдэхүүнийг найдвартайгаар хүргэсээр байна.