Компаний танилцуулга

TZMO (Torunskie Zaklady Materialow Opatrunkowych) нь 1951 онд байгуулагдсан Польшийн компани юм. Bella нь тэдний эмэгтэйчүүдийн ариун цэврийн бүтээгдэхүүнд төвлөрсөн голлох брэндүүдийн нэг бөгөөд анх эмнэлгийн хэрэгсэл, ариун цэврийн материалын үйлдвэрлэлд анхаарч байгаад цаг хугацааны явцад шууд хэрэглэгчид рүү чиглэсэн бүтээгдэхүүнд анхааран, чанарт онцгой ач холбогдол өгөх болсон байна. Bella нь найдвартай байдлаараа Европ даяар танигдсан бөгөөд боломжийн үнэтэй өндөр чанартай гэж нийгэм, зах зээлд байр сууриа эзэлж чадсан. Өнөөдөр TZMO нь дэлхийн 80 гаруй оронд үйл ажиллагаагаа явуулж байгаа юм.

Брэндийн суурь

Bella брэнд эмэгтэйчүүдийн өдөр тутмын хэрэгцээг ойлгоход анхаарч, хэрэглэгчийн итгэлцэл, ариун цэвэр, тав тух дээр суурилан брэндээ бий болгосон. Брэнд өсөлтийн эхэн үедээ, арьсанд аюулгүй байх болон бүтээгдэхүүний инновацыг чухалчлан судалгаа, хөгжүүлэлтэд багагүй хөрөнгө оруулсан байна. Ингэснээр брэнд бүх зах зээлд чанарын тогтвортой байдлыг хадгалж, дэлхийд дүр төрхөө хадгалахын зэрэгцээ, орон нутгийн соёлд ч нийцүүлэн мессежээ тохируулж чаддаг. Энэ нь хүчтэй, үнэнч хэрэглэгчдийг бүрдүүлэхэд чухал ач холбогдол үзүүлсэн билээ.

Дэлхийн зах зээлд өргөжин тэлсэн нь.. 

TZMO нь Bella брэндийг Зүүн Европоос эхлэн олон улсын зах зээлд нэвтрүүлсэн. Компани аажмаар Баруун Европ болон Ази руу өргөжсөнөөр орон нутгийн үйлдвэрлэл, түгээлтийн сүлжээ бий болсон байна. Bella нь өрсөлдөхүйц үнийг зах зээлд санал болгох замаар шинэ зах зээлд нэвтэрч чаддагаас гадна дэлхийн хэмжээнд тэлэхэд нь стратегийн түншлэлүүд тусалсан. Мөн маркетингийн кампанит ажлаа орон нутагт тохируулан амжилттай хэрэгжүүлж чаддаг бөгөөд энэ арга замаар, брэнд үнэт зүйлсээ орхигдуулахгүйгээр өсөх боломжтой болдог. 

Маркетинг ба брэндинг

Bella зах зээлд эмэгтэйчүүдэд халамжтай, итгэлтэй брэнд хэмээн байршсан. Зөвхөн бүтээгдэхүүний онцлог бус, харин сэтгэл хөдлөлийн холбоог, ариун цэвэр, эрүүл мэндийн талаар боловсрол олгох олон кампанит ажлуудаар дамжуулан үүсгэж чадсан. Брэндинг тогтвортой визуал дүр төрх, сав баглаа боодолд оршдог. Уламжлалт болон дижитал сувгуудыг инфлюенсер болон community маркетинг ашиглан өсгөж чадсан ба энэ нь Bella-г үе үеийн хэрэглэгчдэд хамааралтай байлгаж хэрэгцээг үүсгэж чаддаг байна.

Сорилт ба бэрхшээлүүд

Bella брэнд1990-ээд оноос эхлэн олон улсын зах зээлд өргөжих явцад сорилтуудтай тулгарч эхэлсэн. Энэ үед Bella нь P&G, Kimberly-Clark зэрэг дэлхийн томоохон брэндүүдтэй шууд өрсөлдөж, энэ зах зээлд байр сууриа олох нь амаргүй байсан бөгөөд хэрэглэгчдийн итгэлийг олж авахад хугацаа шаардсан. Мөн олон оронд ижил чанар, стандартыг хадгалах нь их хэмжээний хөрөнгө оруулалт, нарийн удирдлага шаардаж байв. Хөгжиж буй зах зээлүүдийн эдийн засгийн савлагаа, мөн хэрэглэгчдийн соёл, хэрэглээний ялгаа нь брэндэд дасан зохицох шаардлагыг бий болгосон. Үүнээс гадна нийлүүлэлтийн сүлжээ, логистикийн сорилтууд ч өсөлтийн явцад гарч байсан. Гэсэн хэдий ч Bella нь урт хугацаанд тогтвортой стратеги баримталж, уян хатан байдлаар эдгээр сорилтуудыг даван туулж чадсан.

Инноваци

Bella нь хэрэглэгчдийн хувьсаж буй хэрэгцээнд нийцүүлэн бүтээгдэхүүнээ тасралтгүй хөгжүүлж ирсэн. Тус брэнд байгальд ээлтэй, арьсанд илүү зөөлөн шийдлүүдийг зах зээлд нэвтрүүлсэн. Мөн тогтвортой, байгаль орчинд ээлтэй үйлдвэрлэл, бүтээгдэхүүний тав тухтай байдал болон аюулгүй байдлыг сайжруулах технологийн хөгжилд тогтмол хөрөнгө оруулалт хийсэн. Үүний зэрэгцээ шинэ бүтээгдэхүүний ангиллуудыг нэмснээр цар хүрээг өргөжүүлсэн. Инноваци нь Bella-г дэлхийн зах зээлд өрсөлдөх чадвартай хэвээр байхад чухал үүрэг гүйцэтгэсэн. 

Одоогийн байр суурь ба амжилт

Өнөөдөр Bella нь олон бүс нутагт тэргүүлэгч ариун цэврийн брэндийн байр суурийг хадгалах болсон. Чанар, боломжийн үнэ, найдвартай байдлаараа хэрэглэгчдэд танигдсан. Bella нь Европ болон бусад бүс нутгийн зах зээлд хөдлөшгүй байр суурийг хадгалж байгаагаас гадна Ази болон Ойрх Дорнодод тасралтгүй өргөжсөөр байна. Bella брэнд нь Польшоос гаралтай амжилттай дэлхийн брэндийн тод жишээ юм.

NANO X BELLA

Нано Интернэйшнл ХХК нь BELLA брэндийн албан ёсны дистрибьютер бөгөөд 2009 оноос эхлэн TZMO группийн BELLA эмэгтэйчүүдийн ариун цэврийн брэндийг Монголынхоо хэрэглэгч нарт албан ёсны эрхтэйгээр худалдаалж байгаа билээ.