"Нано Интернэйшнл" компанийн Гүйцэтгэх захирал Б.Бүжинлхам нь Дэлхийн шилдэг Кэмбриджийн Их Сургуулийн Executive MBA хөтөлбөрт тэнцсэн анхны Монгол оюутан болсон билээ.Б.Бүжинлхам Захирал нь өнгөрсөн таван жилийн турш тасралтгүй хичээнгүйлэн бэлтгэж, IELTS, GMAT шалгалтуудад өндөр оноо авч, эссе болон ярилцлагын олон үе шатыг амжилттай давсны үр дүнд хүссэн хөтөлбөртөө хамрагдах эрхээ авсан. Энэ бүхний ард гарах замнал, хичээл зүтгэлийнхээ талаар "Нано Интернэйшнл" компанийн хамт олонтойгоо хуваалцан, Executive MBA хөтөлбөрт тэнцсэн анхны сэтгэгдэл, тус сургуулийн онцлог, сургалтын арга барилын талаар сонирхолтой ярилцлага өрнүүллээ.Б.Бүжинлхам захирал нь МУИС-д физик болон бизнесийн удирдлагын чиглэлээр суралцаж, улмаар Австралийн Засгийн газрын Australia Awards тэтгэлэгт хөтөлбөрт хамрагдан, нанотехнологийн магистр зэрэг хамгаалсан. Тэрээр шинжлэх ухаан, бизнесийн мэдлэгийг хослуулан ажиллаж буй шилдэг Эмэгтэй удирдагчдын нэг билээ.